ဒုတိယသမ္မတ ဦးဟင်နရီဗန်ထီးယူ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ (၁/၂ဝ၁၉) ကြိမ်မြောက် အစည်းအဝေးသို့ တက်ရောက်အဖွင့်အမှာစကားပြောကြား

Printer-friendly versionSend by email
ဒုတိယသမ္မတ ဦးဟင်နရီဗန်ထီးယူ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ (၁/၂ဝ၁၉) ကြိမ်မြောက် အစည်းအဝေးသို့ တက်ရောက်အဖွင့်အမှာစကားပြောကြား
  • ဒုတိယသမ္မတ ဦးဟင်နရီဗန်ထီးယူ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ (၁/၂ဝ၁၉) ကြိမ်မြောက် အစည်းအဝေးသို့ တက်ရောက်အဖွင့်အမှာစကားပြောကြား
  • ဒုတိယသမ္မတ ဦးဟင်နရီဗန်ထီးယူ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ (၁/၂ဝ၁၉) ကြိမ်မြောက် အစည်းအဝေးသို့ တက်ရောက်အဖွင့်အမှာစကားပြောကြား
  • ဒုတိယသမ္မတ ဦးဟင်နရီဗန်ထီးယူ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ (၁/၂ဝ၁၉) ကြိမ်မြောက် အစည်းအဝေးသို့ တက်ရောက်အဖွင့်အမှာစကားပြောကြား
  • ဒုတိယသမ္မတ ဦးဟင်နရီဗန်ထီးယူ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ (၁/၂ဝ၁၉) ကြိမ်မြောက် အစည်းအဝေးသို့ တက်ရောက်အဖွင့်အမှာစကားပြောကြား

နေပြည်တော် ဖေဖော်ဝါရီ ၂၆

အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ(၁/၂ဝ၁၉)ကြိမ်မြောက် အစည်းအဝေးကို ယနေ့နံနက် ၈ နာရီတွင် နေပြည်တော်ရှိ Hotel Max ၌ ကျင်းပရာ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ တက်ရောက်အဖွင့်အမှာစကားပြောကြားသည်။

အစည်းအဝေးသို့ ဗဟိုကော်မတီဝင်များဖြစ်ကြသည့် ပြည်ထောင်စုဝန်ကြီးများ၊ တိုင်းဒေသကြီးနှင့်ပြည်နယ် ဝန်ကြီးချုပ်များ၊ ဒုတိယဝန်ကြီးများ၊ နေပြည်တော်ကောင်စီဝင်၊ တိုင်းဒေသကြီးနှင့်ပြည်နယ်ဝန်ကြီးများ၊ ဌာနဆိုင်ရာအကြီးအကဲများ၊ မြန်မာနိုင်ငံ ခရီးသွား လုပ်ငန်းအဖွဲ့ချုပ်နှင့် မြန်မာနိုင်ငံဟိုတယ်ဆိုင်ရာ လုပ်ငန်းရှင်များအသင်းတို့မှ တာဝန်ရှိသူ များနှင့် ဖိတ်ကြားထားသူများတက်ရောက်ကြသည်။

အစည်းအဝေးတွင် ဒုတိယသမ္မတ ဦးဟင်နရီဗန်ထီးယူ က ယနေ့အစည်းအဝေး သည် ၂ဝ၁၈ခုနှစ် စက်တင်ဘာ (၁၇)ရက်က ထုတ်ပြန်ခဲ့သည့် မြန်မာနိုင်ငံခရီးသွား လုပ်ငန်း ဥပဒေပါ ပြဋ္ဌာန်းချက်နှင့်အညီ ပြည်ထောင်စုအစိုးရအဖွဲ့၏ အမိန့်ကြော်ငြာစာ အမှတ် (၄/၂ဝ၁၉)ဖြင့် ပြန်လည်ဖွဲ့စည်းလိုက်သည့် အမျိုးသားခရီးသွားလုပ်ငန်းဖွံ့ဖြိုး တိုးတက်ရေးဗဟိုကော်မတီ ၏ ပထမဆုံးအကြိမ်အစည်းအဝေးဖြစ်ပါကြောင်း၊ ယခင်က ဗဟိုကော်မတီဖွဲ့စည်းပုံတွင် ပုဂ္ဂလိကကဏ္ဍမှခရီးသွားလုပ်ငန်းကိုယ်စားပြုအဖွဲ့ဝင်နှင့် ကုန်သည်များနှင့် စက်မှုလက်မှု လုပ်ငန်းရှင်များ အသင်းကိုယ်စားပြုအဖွဲ့ဝင် စုစုပေါင်း (၂)ဦးသာပါရှိခဲ့ပါကြောင်း၊ ယခုဗဟိုကော်မတီသစ်တွင် တတ်သိပညာရှင်များနှင့် ပုဂ္ဂလိက လုပ်ငန်းကိုယ်စားလှယ် စုစုပေါင်း(၆)ဦး ထည့်သွင်းဖွဲ့စည်းထားပါကြောင်း၊ ထို့ကြောင့် ၎င်းတို့၏ အတွေ့အကြုံများနှင့် အကြံဉာဏ်များကို ရယူနိုင်မည်ဖြစ်ပြီး ယခင်ကထက် ပိုမိုပြီးလက်တွေ့ဆန်သည့် လုပ်ငန်းစဉ်များ ချမှတ်နိုင်ရေးကို အထောက်အကူပြုမည်ဟု မျှော်လင့်ပါကြောင်း။

ထို့ပြင် ခရီးသွားလုပ်ငန်းကော်မတီနှင့် ဒေသဆိုင်ရာခရီးသွားလုပ်ငန်းကော်မတီ အသီးသီးတွင်လည်း အလားတူတတ်သိပညာရှင်များနှင့် ပုဂ္ဂလိကကိုယ်စားလှယ်များ ပါဝင်ဖွဲ့စည်းမည်ဖြစ်သည့်အတွက် လုပ်ငန်းရပ်များကိုပိုမိုပွင့်လင်းမြင်သာမှုရှိစွာဖြင့် ညှိနှိုင်း ဆောင်ရွက်နိုင်ကြမည်ဖြစ်ပါကြောင်း။

၁၉၉၃ ခုနှစ်ကပြဋ္ဌာန်းခဲ့ပြီး(၂၅)နှစ်ခန့်ကျင့်သုံးခဲ့သည့် ဥပဒေအဟောင်းသည် ထိုအချိန် ကာလ၏ အခြေအနေတောင်းဆိုမှုအရ ဟိုတယ်နှင့်ခရီးသွားလုပ်ငန်းများ ကို အစိုးရအဖွဲ့ကသာစီမံခန့်ခွဲဆောင်ရွက်နေရာမှ ပုဂ္ဂလိကကဏ္ဍကို လုပ်ငန်းလုပ်ကိုင်ခွင့်များ ခွင့်ပြုရန်ဆိုသည့် အဓိကဦးတည်ချက်ဖြင့် ရေးဆွဲခဲ့သည့်ဥပဒေဖြစ်ပါကြောင်း၊ အချိန် ကာလကြာမြင့်လာသည်နှင့်အမျှ တိုးတက်ပြောင်းလဲလာသည့် ကမ္ဘာ့ခရီးသွား လုပ်ငန်း အခြေအနေနှင့် Decentralization စနစ်အရပြည်ထောင်စု၏ စီမံခန့်ခွဲမှုကို နေပြည်တော် ကောင်စီနယ်မြေအပါအဝင် တိုင်းဒေသကြီးနှင့် ပြည်နယ်များကို Power Sharing အရ ခွဲဝေစီမံခန့်ခွဲမှုပြုနိုင်ရန် အဓိကဦးတည်ပြီး ယခုဥပဒေအသစ်ကို ရေးဆွဲပြဋ္ဌာန်းခဲ့ခြင်း ဖြစ်ပါကြောင်း။

ယခုဥပဒေအသစ်တွင် မူဝါဒများနှင့် စီမံကိန်းလုပ်ငန်းလမ်းညွှန်ချက်များ ညှိနှိုင်း ချမှတ်ရန်အမြင့်ဆုံးအဖွဲ့အစည်းဖြစ်သည့် အမျိုးသားခရီးသွားလုပ်ငန်း ဖွံ့ဖြိုးတိုးတက်ရေး ဗဟိုကော်မတီကိုလည်းကောင်း၊ သက်ဆိုင်ရာအစိုးရဌာနများ၊အဖွဲ့အစည်းများနှင့် ညှိနှိုင်းပေါင်းစပ်ဆောင်ရွက်ရန်၊တစ်နိုင်ငံလုံးအတိုင်းအတာဖြင့်ခရီးစဉ်ဒေသများဖွံ့ဖြိုးတိုးတက်ရေးနှင့် ခရီးသွားလုပ်ငန်းဖွံ့ဖြိုးတိုးတက်ရေး ဆောင်ရွက်ရန် ခရီးသွားလုပ်ငန်း ကော်မတီကိုလည်းကောင်း၊ ယခင်ကဝန်ကြီးဌာနကသာ တာဝန်ယူဆောင်ရွက်ခဲ့သည့် လုပ်ငန်းလိုင်စင်ဆိုင်ရာကိစ္စများဆောင်ရွက်ရန်ဒေသအလိုက်ခရီးသွားလုပ်ငန်းဖွံ့ဖြိုးရေးအတွက်တိုင်းဒေသကြီးနှင့် ပြည်နယ်များအတွင်းရှိ အစိုးရဌာနများ၊ ပုဂ္ဂလိကခရီးသွား လုပ်ငန်းအဖွဲ့များနှင့် ပေါင်းစပ်ညှိနှိုင်းဆောင်ရွက်ရန်နှင့် ဒေသအလိုက်ခရီးသည်များ၏ လုံခြုံရေးနှင့် ဘေးအန္တရာယ်ကင်းရှင်းရေးကို အလေးထားဆောင်ရွက်နိုင်ရန် ဒေသဆိုင်ရာ ခရီးသွားလုပ်ငန်းကော်မတီကိုလည်းကောင်း ကော်မတီ(၃)ရပ် ဖွဲ့စည်းဆောင်ရွက် သွားရန်ပါရှိပါကြောင်း။

ထို့ကြောင့် ယင်းဥပဒေသည် ခရီးသွားလုပ်ငန်းဖွံ့ဖြိုးတိုးတက်ရေးအတွက် ယခင်က ထက် ညှိနှိုင်းပူးပေါင်းဆောင်ရွက်မှုပိုမိုရရှိလာစေမည်ဖြစ်ပြီး မိမိတို့ကြိုးပမ်း ဆောင်ရွက် လျက်ရှိသည့် ဒီမိုကရေစီဖက်ဒရယ်ပြည်ထောင်စု ထူထောင်ရေးအတွက် ခရီးသွား လုပ်ငန်းဆိုင်ရာအခြေခံအုတ်မြစ်တစ်ခုလည်း ဖြစ်ပါကြောင်း၊ ဗဟိုကော်မတီဝင်များဖြစ် သည့် ပြည်ထောင်စုဝန်ကြီးများ၊ဝန်ကြီးချုပ်များအနေဖြင့် ဟိုတယ်နှင့်ခရီးသွား ကဏ္ဍကို ယခင်ကထက်ပိုပြီး ထဲထဲဝင်ဝင်သိရှိကာ မိမိလုပ်ငန်းနယ်ပယ်နှင့် မိမိဒေသအလိုက် ခရီးသွားလုပ်ငန်းများဖွံ့ဖြိုးတိုးတက်ရေးအတွက် ဥစ္စာရင်လိုဥစ္စာရင်ခဲ ကြိုးပမ်းဆောင်ရွက် သွားကြရန် တိုက်တွန်းပါကြောင်း။

ဟိုတယ်နှင့်ခရီးသွားလာရေးဝန်ကြီးဌာနအနေဖြင့် ပုဂ္ဂလိကဟိုတယ်နှင့် ခရီးသွား လုပ်ငန်းဆောင်ရွက်မှုများအား ကြီးကြပ်ကွပ်ကဲစီမံခန့်ခွဲသည့် ကိစ္စရပ်များကို ခွဲဝေပေး လိုက်သော်လည်း ဟိုတယ်နှင့်ခရီးသွားလုပ်ငန်းများ၏ အရည်အသွေးအဆင့်အတန်း များကို နိုင်ငံတကာအဆင့်မီအောင်လိုအပ်သည့် စံနှုန်းများ၊ လုပ်ငန်းလိုအပ် ချက်များချ မှတ်ရေး၊ လုပ်ထုံးလုပ်နည်းများ၊ စည်းမျဉ်းစည်းကမ်းများကို တစ်နိုင်ငံလုံး အတိုင်းအတာ ဖြင့် တစ်ပြေးညီချမှတ်နိုင်ရေး၊ မြန်မာနိုင်ငံခရီးစဉ်ဒေသကို ကမ္ဘာပေါ်တွင် ပိုမိုထင်ရှား ပေါ်လွင်သိရှိအောင် မြှင့်တင်ခြင်းနှင့် ခရီးသွားလုပ်ငန်းဆိုင်ရာ လူ့စွမ်းအား အရင်းအမြစ် ဖွံ့ဖြိုးရေးလုပ်ငန်းစသည်တို့ကို ပိုမိုအလေးထားလုပ်ဆောင်သွားရန် လိုအပ်ပါကြောင်း၊ သတိပေးလိုသည်မှာ ယခုဥပဒေအသစ်အရ လုပ်ငန်းများကိုလွှဲပြောင်း ပေးနေသည့် ကနဦးကာလနှင့် နည်းဥပဒေ၊ အမိန့်များရေးဆွဲထုတ်ပြန်ရန် ဆောင်ရွက်နေသည့် ကာလတွင် တိုင်းဒေသကြီးနှင့် ပြည်နယ်များရှိဒေသကော်မတီများက လုံးလုံးလျားလျား မဆောင်ရွက် နိုင်သေးသည့် ကာလအတွင်းလိုအပ်သည်များကို ညှိနှိုင်းပေါင်းစပ် ပံ့ပိုး ကူညီဆောင်ရွက်ပေးရန် လိုအပ်ပါကြောင်း။

ယနေ့ အစည်းအဝေးတွင် ဒေသဆိုင်ရာခရီးသွားကော်မတီများက လျင်မြန်စွာ တာဝန်ယူဆောင်ရွက်နိုင်ရေးကိုဦးတည်ပြီးလိုအပ်သည့် အမိန့်များ၊ နည်းဥပဒေများ၊ ရေးဆွဲထုတ်ပြန်နိုင်ရေးအတွက်တင်ပြကြမည်ဟုသိရပါကြောင်း၊ ထို့ကြောင့် အသစ်ပြဋ္ဌာန်း လိုက်သည့် ဥပဒေမူဘောင်နှင့်အညီ ဆက်လက်ဦးစားပေးဆောင်ရွက်ကြမည့် လုပ်ငန်း ဆိုင်ရာ ကိစ္စရပ်များကိုအထူးအလေးထားဆွေးနွေးကြစေလိုပါကြောင်း။

မြန်မာနိုင်ငံသည် အခြားသော အိမ်နီးချင်းနိုင်ငံများနှင့်နှိုင်းယှဉ်ကြည့်ပါက ခရီးသွား အရင်းအမြစ်အလွန်ပေါများသော်လည်း အကြောင်းကြောင်းကြောင့် မြန်မာနိုင်ငံသို့ လာရောက်လည်ပတ်သည့် ကမ္ဘာလှည့်ခရီးသည်အရေအတွက်သည် မျှော်မှန်းထားသည့် အရေအတွက်ထက်နည်းပါးနေသည်ကိုတွေ့ရှိရပါကြောင်း၊ ထို့ကြောင့်မြန်မာနိုင်ငံသို့ ခရီးသွားဧည့်သည်ပိုမိုရောက်ရှိရန်အတွက် Look East မူဝါဒချမှတ်ပြီး အာဆီယံနှင့် ဆွေးနွေးဖက်အာရှနိုင်ငံများမှ ခရီးသည်များပိုမိုဖိတ်ခေါ်ရန် ရည်ရွယ်ချက်ဖြင့် ဗီဇာ ဖြေလျှော့ပေးသည့် အစီအစဉ်များကိုစမ်းသပ်ဆောင်ရွက်ခဲ့ပါကြောင်း။

ကနဦးအနေဖြင့် ဂျပန်နိုင်ငံ၊ တောင်ကိုရီးယားနိုင်ငံ၊ ဟောင်ကောင်နှင့် မကာအိုကိုယ်ပိုင်အုပ်ချုပ်ခွင့်ရဒေသများမှ သာမန်နိုင်ငံကူးလက်မှတ်ကိုင်ဆောင်သူ ခရီးသွားဧည့်သည်များကို ဗီဇာကင်းလွတ်ခွင့်(Visa Exemption)နှင့် လေကြောင်းမှ လာရောက်သည့် တရုတ်နှင့်အိန္ဒိယနိုင်ငံသား ခရီးသွားဧည့်သည်များကို ဆိုက်ရောက် ဗီဇာ(Visa on Arrival) ခွင့်ပြုပေးခြင်းကို ရန်ကုန်၊ မန္တလေး၊ နေပြည်တော် အပြည်ပြည်ဆိုင်ရာ လေဆိပ်များတွင် ဆောင်ရွက်ပေးလျက်ရှိပါကြောင်း၊ ထို့ကြောင့် ယင်းအစီအစဉ်သည် အထောက်အပံ့တစ်ခုဖြစ်ခဲ့ပြီး ယင်းနိုင်ငံများက ခရီးသည်များ တိုးတက်လာရောက်ခဲ့ကာ စာရင်းဇယားများအရ ၂ဝ၁၈ ခုနှစ်တွင် တစ်နှစ် လုံးအနေဖြင့် ကမ္ဘာလှည့်ခရီးသည်စုစုပေါင်း ၃ဒသမ၅၅ သန်းဝင်ရောက်ခဲ့ပါကြောင်း၊ ယခင်၂ဝ၁၇ ခုနှစ်က ဝင်ရောက်ခဲ့သည့် ကမ္ဘာလှည့်ခရီးသည် ၃ဒသမ၄၄ သန်းနှင့် နှိုင်းယှဉ်ပါက ရာခိုင်နှုန်းအားဖြင့် ၃ဒသမ၁၅ ရာခိုင်နှုန်းတိုးတက်လာသည်ကို တွေ့ရပါကြောင်း၊ ထိုသို့ ဆက်လက်ပြီးခရီးသွားလုပ်ငန်းပိုမိုဖွံ့ဖြိုးတိုးတက်ရန်နှင့် ခရီးသည်များ ပိုမိုလာရောက် ရေးအတွက် လိုအပ်သည့် နည်းဗျူဟာများ ရှာကြံတွေးဆချမှတ်ဆောင်ရွက်ကြရန် တိုက်တွန်းပါကြောင်း။

ယနေ့အချိန်အခါတွင် ဆောင်ရွက်နေဆဲဖြစ်သည့် Tourism Resources များကွဲပြား ခြားနားစွာရှိကြသည့် တိုင်းဒေသကြီးနှင့် ပြည်နယ်များတွင် ပြည်သူလူထု ပါဝင်ဆောင်ရွက် နိုင်သည့် Community Based Tourism ကဲ့သို့သော ခရီးသွားလုပ်ငန်း အကောင် အထည်ဖော်ခြင်း၊ ထင်ရှားကျော်စောပြီးသည့် ခရီးစဉ်ဒေသများရေရှည်တည်တံ့ဖွံ့ဖြိုး ရေးနှင့် ခရီးစဉ်ဒေသအသစ်များ ရှာဖွေဖော်ထုတ်မြှင့်တင်ခြင်း၊ ခရီးသွားလုပ်ငန်းများတွင် ပြည်တွင်းပြည်ပရင်းနှီးမြှုပ်နှံမှုများပိုမိုဖိတ်ခေါ်ခြင်း၊ ယဉ်ကျေးမှုဓလေ့ထုံးစံများနှင့် ရိုးရာ ပွဲတော်များရှာဖွေဖော်ထုတ်ပြီး တစ်နှစ်တာလုံးလည်ပတ်နိုင်သည့် ခရီးစဉ်အဖြစ် စီစဉ်ဆောင်ရွက်ခြင်း၊ယနေ့ကမ္ဘာ့နိုင်ငံအသီးသီးတွင် ဆောင်ရွက်နေကြသည့် ခေတ်နှင့် အညီ နည်းပညာသုံးစွဲပြီးထိရောက်သည့် ဈေးကွက်မြှင့်တင်ရေးနည်းဗျူဟာများကို ချမှတ် အကောင်အထည်ဖော်ခြင်း၊ အစိုးရနှင့်ပုဂ္ဂလိက၏ ပူးပေါင်းဆောင်ရွက် မှုပိုမိုမြှင့်တင် ခြင်းများကို အရှိန်အဟုန်မြှင့်တင်ဆောင်ရွက်သွားခြင်းဖြင့် မြန်မာနိုင်ငံ၏ ခရီးသွားလုပ်ငန်း ဖွံ့ဖြိုးတိုးတက်ရေးအတွက် ဝိုင်းဝန်းပူးပေါင်းဆောင်ရွက်သွားကြရန် တိုက်တွန်းပါကြောင်း ပြောကြားသည်။

ထို့နောက် ဗဟိုကော်မတီဒုတိယဥက္ကဋ္ဌ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီးဦးအုန်းမောင်ကမြန်မာနိုင်ငံခရီးသွားလုပ်ငန်းဥပဒေအသစ်ပြဋ္ဌာန်းပြီး ဖြစ်၍ နည်းဥပဒေဆက်လက်ရေးဆွဲဆောင်ရွက်နေမှု၊ Infrastructure များဖွံ့ဖြိုးရေး အတွက် ဆက်စပ်ဌာနအဖွဲ့အစည်းများနှင့် ပူးပေါင်းဆောင်ရွက်နေမှု၊ တည်းခိုနေထိုင်မှု အဆင့်အတန်းမြင့်မားရေး၊ လုပ်ငန်းလိုင်စင်များလွယ်ကူအဆင်ပြေစွာခွင့်ပြုရေး၊ ခရီးစဉ် ဒေသများသန့်ရှင်းသာယာလှပရေး၊ ယဉ်ကျေးမှုအမွေအနှစ်များ မပျက်စီး မပျောက်ပျက် စေရန် ထိန်းသိမ်းကာကွယ်စောင့်ရှောက်ရေး၊ ရိုးရာအစားအသောက်များ မြှင့်တင် ကြော်ငြာရေး၊ ကျန်းမာရေးစောင့်ရှောက်မှုနှင့် လုံခြုံရေးကိစ္စရပ်များ အလေးထား ဆောင်ရွက်ရေးကိုဆွေးနွေးတင်ပြသည်။

ယင်းနောက် ဗဟိုကော်မတီအတွင်းရေးမှူးက ဗဟိုကော်မတီ၏ (၁/၂ဝ၁၈)ကြိမ် မြောက် အစည်းအဝေးဆုံးဖြတ်ချက်များအပေါ် ဆောင်ရွက်ထားမှုအခြေအနေ၊ ကော်မတီ များ ဖွဲ့စည်းခွင့်နှင့် အမိန့်ထုတ်ပြန်ချက်များကို ဗဟိုကော်မတီသို့တင်ပြပြီး အတည်ပြု ချက်ရယူသည်။

ယင်းနောက် ဗဟိုကော်မတီဝင်များဖြစ်ကြသည့် ပြည်ထောင်စုဝန်ကြီး ဒုတိယ ဗိုလ်ချုပ်ကြီးကျော်ဆွေ၊ ဦးသန့်စင်မောင်၊ ဦးသိန်းဆွေနှင့် ဒေါက်တာမြင့်ထွေးတို့က ကမ္ဘာ့လှည့်ခရီးသွားများ၏ လုံခြုံရေးဆောင်ရွက်ပေးနေမှု၊ ခရီးစဉ်ဒေသများသို့ လေကြောင်းလိုင်းများတိုက်ရိုက်ပျံသန်းနိုင်ရေး၊ဗီဇာခွင့်ပြုပေးနေမှု၊ အိမ်နီးချင်းနိုင်ငံများ နှင့် နယ်စပ်ဝင်/ထွက်ပေါက် ဖွင့်လှစ်ဆောင်ရွက်နေမှု၊ နယ်စပ်ဖြတ်သန်းခွင့် လက်မှတ် များအဆင့်မြှင့်တင်ဆောင်ရွက်နေမှု၊ နယ်စပ်ဝင်/ထွက်ပေါက်များမှ ဗီဇာကင်းလွတ်ခွင့်နှင့် အပြန်အလှန် ဝင်ရောက်ခွင့်ပြုနိုင်ရေးညှိနှိုင်းဆောင်ရွက်နေမှု၊ ဗီဇာစစ်ဆေးရေးကိစ္စများကို ဖြေလျှော့ဆောင်ရွက်သွားမည့်အစီအစဉ်၊ ကမ္ဘာ့လှည့်ခရီးသွားများအား ကျန်းမာရေး စောင့်ရှောက်မှုပေးနေမှုနှင့် ဝန်ကြီးဌာနအလိုက် ခရီးသွားလုပ်ငန်းဖွံ့ဖြိုးတိုးတက်ရေး အတွက် ဖြည့်ဆည်းဆောင်ရွက်ပေးမည့် ကိစ္စရပ်များကို ဆွေးနွေးတင်ပြကြသည်။

ထို့နောက် ဒုတိယသမ္မတသည် အခမ်းအနားသို့ တက်ရောက်လာကြသည့် ဗဟိုကော်မတီဝင်များနှင့်အတူ စုပေါင်းမှတ်တမ်းတင်ဓာတ်ပုံရိုက်သည်။

ယင်းနောက် အစည်းအဝေးကို ဆက်လက်ကျင်းပရာ ဗဟိုကော်မတီဝင်များ ဖြစ်ကြ သည့် တိုင်းဒေသကြီးနှင့်ပြည်နယ် ဝန်ကြီးချုပ်များ၊ဒုတိယဝန်ကြီးများ၊ နေပြည်တော် ကောင်စီဝင်၊ ဌာနဆိုင်ရာအကြီးအကဲများ၊ မြန်မာနိုင်ငံခရီးသွားလုပ်ငန်းအဖွဲ့ချုပ်နှင့် မြန်မာ နိုင်ငံဟိုတယ်ဆိုင်ရာလုပ်ငန်းရှင်များအသင်းမှ တာဝန်ရှိသူများက တိုင်းဒေသကြီးနှင့် ပြည်နယ်အလိုက် ခရီးသွားလုပ်ငန်းပိုမိုတိုးတက်ရေးအတွက် ဆောင်ရွက်နေမှု၊ ခရီးစဉ် ဒေသများထိန်းသိမ်းထားရှိမှုနှင့် လာရောက်လေ့လာမှု၊ ခရီးသွားများ ပိုမိုစိတ်ဝင်စားမှု ရှိလာစေရေး၊ လျှပ်စစ်မီးရရှိရေးနှင့် လမ်းပန်းဆက်သွယ်မှုကောင်းမွန်စေရေး ဆောင်ရွက် နေမှု၊ ခရီးစဉ်လေ့လာစရာနေရာများဖော်ထုတ်ဆောင်ရွက်နေမှု၊ ဖြေလျှော့ပေးရမည့် ကိစ္စရပ်များနှင့် ခရီးသွားလုပ်ငန်းဖွံ့ဖြိုးတိုးတက်ရေးအတွက် ဆောင်ရွက်ပေး ရမည့်ကိစ္စရပ် များကို ရှင်းလင်းတင်ပြကြသည်။

တင်ပြချက်များနှင့်စပ်လျဉ်းပြီး ဒုတိယသမ္မတက သုံးသပ်ဆွေးနွေးရာ ပြည်ထောင်စု ၏စီမံခန့်ခွဲမှုကို နေပြည်တော်ကောင်စီနယ်မြေအပါအဝင် တိုင်းဒေသကြီးနှင့် ပြည်နယ် များကို Power Sharing အရခွဲဝေစီမံခန့်ခွဲမှုပြုနိုင်ရန် အဓိကဦးတည်ပြီး မြန်မာနိုင်ငံ ခရီးသွားလုပ်ငန်းဥပဒေသစ်ကိုပြဋ္ဌာန်းခဲ့ခြင်းဖြစ်ပါကြောင်း၊ ယင်းဥပဒေကို လက်တွေ့ ကျင့်သုံးပြီး အကျိုးရှိအောင် အကောင်အထည်ဖော်သွားရန် လိုအပ်ပါကြောင်း။

မိမိတို့နိုင်ငံတွင်ရှိပြီးသား ခရီးသွားလုပ်ငန်းအရင်းအမြစ်များကို ထိထိရောက်ရောက် အကျိုးရှိရှိသုံးစွဲနိုင်ရန်မှာလည်းအရေးကြီးပါကြောင်း၊ ပြည်ထောင်စုအစိုးရ၊ တိုင်းဒေသ ကြီး/ ပြည်နယ်အစိုးရနှင့် ခရီးသွားလုပ်ငန်းနှင့်ပတ်သက်သည့် အဖွဲ့အစည်းများအား လုံးပူးပေါင်းဆောင်ရွက်သွားရန်လိုအပ်ပါကြောင်း၊ အားလုံးတက်ညီလက်ညီ ကြိုးစား ဆောင်ရွက်သွားမည်ဆိုပါက မြန်မာနိုင်ငံ၏ခရီးသွားလုပ်ငန်းသည် မျှော်လင့်ထား သည့်အတိုင်း အောင်မြင်မှုရရှိမည်ဖြစ်ပါကြောင်း၊ ခရီးသွားလုပ်ငန်းဖွံ့ဖြိုးတိုးတက်ရေး အတွက် Master Plan ကိုလည်းစနစ်တကျ ရေးဆွဲဆောင်ရွက်သွားရန် လိုအပ်ပါကြောင်း ပြောကြားသည်။