ဒုတိယသမ္မတဦးဟင်နရီဗန်ထီးယူ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်း အစည်းအဝေး (၁/၂ဝ၁၉)သို့ တက်ရောက် အမှာစကားပြောကြား

Printer-friendly versionSend by email
ဒုတိယသမ္မတဦးဟင်နရီဗန်ထီးယူ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်း အစည်းအဝေး (၁/၂ဝ၁၉)သို့ တက်ရောက် အမှာစကားပြောကြား
  • ဒုတိယသမ္မတဦးဟင်နရီဗန်ထီးယူ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်း အစည်းအဝေး (၁/၂ဝ၁၉)သို့ တက်ရောက် အမှာစကားပြောကြား
  • ဒုတိယသမ္မတဦးဟင်နရီဗန်ထီးယူ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်း အစည်းအဝေး (၁/၂ဝ၁၉)သို့ တက်ရောက် အမှာစကားပြောကြား
  • ဒုတိယသမ္မတဦးဟင်နရီဗန်ထီးယူ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်း အစည်းအဝေး (၁/၂ဝ၁၉)သို့ တက်ရောက် အမှာစကားပြောကြား
  • ဒုတိယသမ္မတဦးဟင်နရီဗန်ထီးယူ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်း အစည်းအဝေး (၁/၂ဝ၁၉)သို့ တက်ရောက် အမှာစကားပြောကြား

နေပြည်တော်၊ ဖေဖော်ဝါရီ ၂၈

မြန်မာ့အထူးစီးပွားရေးဇုန်ဆိုင်ရာဗဟိုအဖွဲ့၏ လုပ်ငန်းညှိနှိုင်းအစည်းအဝေး (၁/၂ဝ၁၉) ကိုယနေ့ ညနေ ၃ နာရီတွင် နေပြည်တော်ရှိစီးပွားရေးနှင့် ကူးသန်း ရောင်းဝယ် ရေးဝန်ကြီးဌာန အစည်းအဝေးခန်းမ၌ကျင်းပရာ မြန်မာအထူးစီးပွားရေးဇုန်ဆိုင်ရာဗဟို အဖွဲ့ဥက္ကဋ္ဌ ဒုတိယသမ္မတဦးဟင်နရီဗန်ထီးယူတက်ရောက်အမှာစကားပြောကြားသည်။

အစည်းအဝေးသို့ ပြည်ထောင်စုဝန်ကြီးများဖြစ်ကြသည့် ဒုတိယဗိုလ်ချုပ်ကြီး ကျော်ဆွေ ၊ ဦးကျော်တင့်ဆွေ၊ ဦးသန့်စင်မောင်၊ ဦးအုန်းဝင်း၊ ဦးဝင်းခိုင်၊ ဦးသိန်းဆွေ၊ ဦးခင်မောင်ချို၊ ဒေါက်တာသန်းမြင့် နှင့် ဦးဟန်ဇော်၊ ပြည်ထောင်စုရှေ့နေချုပ် ဦးထွန်းထွန်းဦး၊ တိုင်းဒေသကြီးဝန်ကြီးချုပ်များဖြစ်ကြသည့်ဒေါက်တာလဲ့လဲ့မော် နှင့် ဦးဖြိုးမင်းသိန်း၊ ဒုတိယဝန်ကြီးများဖြစ်ကြသည့် ဦးအောင်ထူး နှင့် ဦးဆက်အောင်၊ သီလဝါ ထူးစီးပွားရေးဇုန် ၊ ကျောက်ဖြူအထူးစီးပွားရေးဇုန် နှင့် ထားဝယ်အထူးစီးပွားရေးဇုန် စီမံခန့်ခွဲမှုကော်မတီတို့မှ ဥက္ကဋ္ဌ၊ ဒုတိယဥက္ကဋ္ဌ နှင့် တာဝန်ရှိသူများတက်ရောက်ကြသည်။

အစည်းအဝေးတွင် ဒုတိယသမ္မတ က နိုင်ငံတော်၏စီးပွားရေးဖွံ့ဖြိုးတိုးတက်မှုတွင် အထူးစီးပွားရေးဇုန်များ၏အခန်းကဏ္ဍသည် အလွန်အရေးပါ ပါကြောင်း၊ အထူးစီးပွား ရေးဇုန်များ အောင်မြင်စွာအကောင်အထည်ဖော်နိုင်ရေးအတွက် ဝိုင်းဝန်းကြိုးပမ်း ဆောင်ရွက်လျှက်ရှိနေပါကြောင်း။

အကောင်အထည်ဖော်ဆောင်ရွက်လျှက်ရှိသည့်အထူးစီးပွားရေးဇုန်(၃)ဇုန် ရှိသည့် အနက် သီလဝါအထူးစီးပွားရေးဇုန်သည် အတော်အတန် ခရီးရောက်နေပြီ ဟုဆိုရမည် ဖြစ်ပါကြောင်း၊ကုမ္ပဏီပေါင်း(၁ဝ၅)ခုအထိ ရင်းနှီးမြှုပ်နှံထားပြီး၊ ရင်းနှီးမြှုပ်နှံမှုစုစုပေါင်းသည် အမေရိကန်ဒေါ်လာ(၁ဒသမ၆) ဘီလီယံထိတိုးတက်လာသည်ကိုတွေ့ရပါကြောင်း၊ လက်ရှိ လည်ပတ်နေသည့်စက်ရုံ(၆၅)ရုံထိရှိနေပြီဖြစ်ပါကြောင်း။

ကျောက်ဖြူအထူးစီးပွားရေးဇုန်ကိုကြည့်မည်ဆိုလျှင် ရေနက်ဆိပ်ကမ်း စီမံကိန်း အတွက် တင်ဒါအောင်မြင်ထားသည့် CITIC Group ကုမ္ပဏီနှင့် Framework Agreement ရေးထိုးနိုင်ခဲ့ပြီဖြစ်ပါကြောင်း၊ရေနက်ဆိပ်ကမ်းစီမံကိန်းအတွက်ရှေ့ဆက်ဆောင်ရွက်ရမည့် Transaction Document များ၊ EIA ၊ SIA ၊ G.T survey ကိစ္စရပ်များကို ဆက်လက်ညှိနှိုင်းဆွေးနွေးနေသည်ဟုသိရပါကြောင်း၊ စီမံကိန်းလုပ်ငန်းများရပ်တန့် မသွား စေဘဲအချိန်နှင့်တပြေးညီတိုးတက်မှုရရှိရေးစီမံဆောင်ရွက်ပေးကြရန် တိုက်တွန်းလိုပါ ကြောင်း၊ကျောက်ဖြူအထူးစီးပွားရေးဇုန်သည်ပထဝီနိုင်ငံရေးနှင့် ဆက်နွယ်မှုရှိသည့် အတွက် ညှိနှိုင်းမှုများဆောင်ရွက်ရာတွင်စေ့စပ်သေချာစွာဆောင်ရွက်ကြစေလိုပါကြောင်း။

ထားဝယ်အထူးစီးပွားရေးဇုန်အကောင်အထည်ဖော်ခဲ့မှုကိုကြည့်မည်ဆိုလျှင်တိုးတက်မှုနှေးကွေးအားနည်းနေသည်ကိုတွေ့ရပါကြောင်း၊တိုးတက်မှုအနေဖြင့် ထားဝယ်အထူး စီးပွားရေးဇုန်မှ ထီးခီးသို့ ဆက်သွယ်ထားသည့် ၂-လမ်းသွားကားလမ်း အဆင့်မြှင့်တင် ဖောက်လုပ်ခြင်းအားထိုင်းနိုင်ငံမှ NEDA နှင့် ဆောက်လုပ်ရေးဝန်ကြီးဌာနတို့ Terns of Reference (TOR) မူကြမ်းညှိနှိုင်းနိုင်ခဲ့ပြီးကွင်းဆင်းစစ်ဆေးမှုများ ဆောင်ရွက်နေသည်ကို တွေ့ရပါကြောင်း၊ တိုးတက်မှုနှေးကွေးနေသည့်အပိုင်းသည် ကနဦးစီမံကိန်းများရှေ့ဆက် နိုင်ရေးဖြစ်ပါကြောင်း၊ထားဝယ်အထူးစီးပွားရေးဇုန်အတွက် ဆွေးနွေးညှိနှိုင်းမှုများ ဆောင် ရွက်ရာတွင် အစိုးရချင်းပူးပေါင်းညှိနှိုင်းဆောင်ရွက်မှုအပိုင်းများ ရှိသကဲ့သို့ ပုဂ္ဂလိက ကုမ္ပဏီ ITD နှင့် ညှိနှိုင်းဆောင်ရွက်ရသည့် အပိုင်းများလည်းရှိပါကြောင်း၊ စီမံခန့်ခွဲမှုကော်မတီ အ နေဖြင့် ဥပဒေကြောင်းအရကြိုတင်လေ့လာသုံးသပ်ထားမှုများနှင့် ဆက်လက်ဆောင် ရွက် သင့်သည့်အစီအမံများကို ပွင့်လင်းမြင်သာစွာဆွေးနွေးကြစေလိုပါကြောင်း။ ကနဦးစီမံကိန်း များနှေးကွေးနေသည့် အတွက်မြန်မာ-ထိုင်း- ဂျပန် (၃)နိုင်ငံ ညှိနှိုင်းဆောင်ရွက် ရမည့်သဘောဖြစ်ပါကြောင်း၊ ထားဝယ်ဇုန်နှင့်ပတ်သက်၍ ( Joint Coordination Committee - JCC ) ညှိနှိုင်းအစည်းအဝေးခေါ်နိုင်ရေး ညှိနှိုင်းဆောင်ရွက် ရမည်ဖြစ်ပါကြောင်း၊ အထူးစီးပွားရေးဇုန်များကိုထိရောက်သည့် တိုးတက်မှုများရရှိရန် ကြိုးပမ်းဆောင်ရွက်ကြရမည်ဖြစ်ပါကြောင်း၊ ထားဝယ်အထူး စီးပွားရေးဇုန် စီမံကိန်းများအတွက် ဖွဲ့စည်းထားသည့်( Special Purpose Vehicle – SPV ) အခန်းကဏ္ဍပိုမိုလှုပ်ရှားရှင်သန်တက်ကြွစွာဆောင်ရွက်နိုင်ရေးကိုလည်းအလေးထားဆောင်ရွက်ကြစေလိုပါကြောင်း၊ ပင်မစီမံကိန်းစတင်နိုင်ရန် မည်သို့သောနည်းလမ်းများဖြင့် ဆောင်ရွက်သင့်သည်ကိုဆွေးနွေးကြစေလိုပါကြောင်း။

အထူးစီးပွားရေးဇုန်များသည် တိုင်းပြည်ဖွံ့ဖြိုးတိုးတက်ရေးအတွက် အလွန်အရေး ပါပြီးဒေသခံပြည်သူများအလုပ်အကိုင်ရရှိရေး အခွင့်အလမ်းတစ်ခုလည်းဖြစ်ပါကြောင်း၊ ထို့ကြောင့်အကောင်အထည်ဖော်ဆောင်ရွက်လျှက်ရှိသည့် အထူးစီးပွားရေးဇုန်များ ထိရောက်အောင်မြင်စွာအကောင်အထည်ဖော်နိုင်ရေးအတွက် စနစ်တကျသေချာစွာ ဝိုင်းဝန်းကြိုးပမ်းဆောင်ရွက်ကြရမည်ဖြစ်ပါကြောင်း၊ နိုင်ငံခြားသားရင်းနှီးမြှုပ်နှံမှုများ ယုံကြည်စိတ်ချစွာလာရောက်ရင်းနှီးမြှုပ်နှံရန်လိုပါကြောင်း၊ ရင်းနှီးမြှုပ်နှံသူများအတွက် ဥပဒေနှင့်အညီဝန်ဆောင်မှုပေးရမည့်ကိစ္စရပ်များ၊ နိုင်ငံတကာစံချိန်စံညွှန်း များနှင့်ကိုက်ညီ သည့် လုပ်ထုံးလုပ်နည်းများကိုသက်ဆိုင်ရာ ဝန်ကြီးဌာနများအနေဖြင့် ပေါင်းစပ်ညှိနှိုင်း ဆောင်ရွက်ပေး ကြရမည်ဖြစ်ပါကြောင်း၊ နိုင်ငံတကာစံချိန်စံညွှန်းများ၊ လုပ်ထုံးလုပ်နည်း များဖြင့်ကိုက်ညီသည့်အာမခံချက်များပေးနိုင်မှသာရင်းနှီးမြှုပ်နှံသူများဝင်ရောက်လာမည်ဖြစ်ပါကြောင်း၊ အစည်းအဝေးသို့တက်ရောက်လာကြသူများအနေဖြင့် နိုင်ငံတော်၏အကျိုး စီးပွားနှင့် ပြည်သူတို့၏အကျိုးစီးပွားဖြစ်ထွန်းအောင်မြင်ရေးကိုရှေးရှု၍ ပွင့်လင်းမြင်သာစွာ ဆွေးနွေးပေးကြပါ ရန်တိုက်တွန်းလိုပါကြောင်းပြောကြားသည်။

ထို့နောက်ဗဟိုအဖွဲ့ ဒုတိယဥက္ကဋ္ဌ ပြည်ထောင်စုဝန်ကြီးဦးကျော်တင့်ဆွေ က သီလဝါ၊ ကျောက်ဖြူနှင့် ထားဝယ်အထူးစီးပွားရေးဇုန်ဆိုင်ရာများနှင့်စပ်လျဉ်း၍ အကြံပြု ဆွေးနွေး တင်ပြသည်။

ယင်းနောက် ဗဟိုအဖွဲ့ အတွင်းရေးမှူး ပြည်ထောင်စုဝန်ကြီးဒေါက်တာသန်းမြင့် က အထူးစီးပွားရေးဇုန်များ၌ဆောင်ရွက်လျှက်ရှိသည့်အခြေအနေများ ၊ ဗဟိုအဖွဲ့မှ ဆုံးဖြတ် ရမည့်အချက်များ၊ မှတ်တမ်းတင်ရန်အချက်များ နှင့် ရှေ့ဆက်ဆောင်ရွက်ရမည့် အစီအမံ များကိုရှင်းလင်းတင်ပြသည်။

ထို့နောက် ဗဟိုအဖွဲ့ တွဲဖက်အတွင်းရေးမှူး ဒုတိယဝန်ကြီးဦးအောင်ထူး က မြန်မာ့အထူးစီးပွားရေးဇုန်ဆိုင်ရာဗဟိုအဖွဲ့ လုပ်ငန်းညှိနှိုင်းအစည်းအဝေး (၁/၂ဝ၁၈)ဆုံး ဖြတ်ချက်များနှင့် အကောင်အထည်ဖော်ဆောင်ရွက်ပြီးစီးမှုများကိုရှင်းလင်းတင်ပြသည်။

ယင်းနောက် သီလဝါအထူးစီးပွားရေးဇုန်စီမံခန့်ခွဲမှုကော်မတီဥက္ကဋ္ဌ ဒုတိယဝန်ကြီး ဦးဆက်အောင်၊ ထားဝယ်အထူးစီးပွားရေးဇုန်စီမံခန့်ခွဲမှုကော်မတီဒုတိယဥက္ကဋ္ဌ ဒေါက်တာ မြင့်ဆန်း နှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီးရုံး ညွှန်ကြားရေးမှူးချုပ် ဦးအောင်စိုးတို့က သီလဝါ၊ ထားဝယ်နှင့် ကျောက်ဖြူ အထူးစီးပွားရေး ဇုန်ဆိုင်ရာများနှင့်စပ်လျဉ်း၍ ဆောင်ရွက်ပြီး၊ ဆောင်ရွက်ဆဲနှင့် ဆက်လက်ဆောင်ရွက် မည့် အစီအမံများကိုသက်ဆိုင်ကဏ္ဍများအလိုက်ရှင်းလင်းတင်ပြကြသည်။

ထို့နောက် ပြည်ထောင်စုဝန်ကြီး ဦးဟန်ဇော်၊ ဦးသန့်စင်မောင်၊ ဦးအုန်းဝင်း၊ ဦးဝင်းခိုင်၊ ဦးသိန်းဆွေနှင့်ဒေါက်တာသန်းမြင့်၊ ပြည်ထောင်စုရှေ့နေချုပ် ဦးထွန်းထွန်းဦး၊ တိုင်းဒေသကြီးဝန်ကြီးချုပ် ဒေါက်တာလဲ့လဲ့မော်၊ ဦးဖြိုးမင်းသိန်း နှင့် ဒုတိယဝန်ကြီး ဦးဆက်အောင် တို့က သီလဝါ၊ ထားဝယ်၊ ကျောက်ဖြူအထူးစီးပွားရေးဇုန်ဆိုင်ရာ ကိစ္စရပ် များနှင့် စပ်လျဉ်း၍ ဖြည့်စွက်ဆွေးနွေးကြသည်။

ယင်းနောက် မြန်မာအထူးစီးပွားရေးဇုန်ဆိုင်ရာဗဟိုအဖွဲ့ဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ က အထူးစီးပွားရေးဇုန်များကိုအကောင်အထည်ဖော် ဆောင်ရွက်ကြရာ တွင်ဘက်ပေါင်းစုံရှုထောင့်ပေါင်းစုံရှုမြင်သုံးသပ်၍ညှိနှိုင်းဆောင်ရွက်ကြရမည်ဖြစ်ပါကြောင်း၊ဆောင်ရွက်ဆဲအထူးစီးပွားရေးဇုန်များနှင့်ပတ်သက်၍စေ့စပ်ညှိနှိုင်းမှုများဆက်လက် ဆောင်ရွက်ရာတွင် နှစ်ဦးနှစ်ဖက်မျှတသည့်အကျိုးရလဒ်များရရှိရန် ညှိနှိုင်းဆောင်ရွက် ကြရမည်ဖြစ်ပါကြောင်း၊အထူးစီးပွားရေးဇုန်များအောင်မြင်စွာအကောင်အထည်ဖော်ဆောင်နိုင်ရေးအတွက် ဥပဒေ၊လုပ်ထုံးလုပ်နည်းများသည် နိုင်ငံတကာစံချိန်စံညွှန်းနှင့်အညီ ဖြစ်ရန်လိုအပ်ပြီးပြုပြင်ပြောင်းလဲရန်လိုအပ်ပါကပြုပြင်ပြောင်းလဲကြရမည်ဖြစ်ပါကြောင်း၊ အထူးစီးပွားရေးဇုန်များ၏အောင်မြင်မှုများကိုဆက်လက်ထိန်းသိမ်းကြရမည်ဖြစ်ပါကြောင်း။

ကြုံတွေ့နေရသည့်မြေယာဆိုင်ရာတင်ပြမှုများနှင့် အခြားကိစ္စရပ် များကို ရန်ကုန် တိုင်းဒေသကြီးအစိုးရအဖွဲ့နှင့်ပူးပေါင်းညှိနှိုင်းဖြေရှင်းပေးကြရမည်ဖြစ်ပါ ကြောင်း၊ သီလဝါ အထူးစီးပွားရေးဇုန်သည်စက်မှုဇုန်အားလုံးအတွက်စံပြပုံစံတစ်ခုဖြစ်သည့်အတွက်ကျင့်သုံးသည့်စနစ်များကိုကမ္ဘာ့အဆင့်မီတိုးတက်စေရန် အမြဲတမ်းလေ့လာပြုပြင်ပြောင်းလဲ ဆောင်ရွက်ပေးကြပါဟုတိုက်တွန်းလိုပါကြောင်း၊ထို့အတူတစ်နေရာတည်းတွင် ဝန်ဆောင် မှုပေးသည့်ကိစ္စရပ်များနှင့်စပ်လျဉ်း၍ သက်ဆိုင်ရာဝန်ကြီးဌာနများအနေဖြင့် ပူးပေါင်းပါဝင် ညှိနှိုင်းဆောင်ရွက်ပေးကြရမည်ဖြစ်ပါကြောင်း။

ကျောက်ဖြူအထူးစီးပွားရေးဇုန်၊ရေနက်ဆိပ်ကမ်းစီမံကိန်းနှင့်ပတ်သက်၍ ဆက်လက် ညှိနှိုင်းရမည့်ကိစ္စရပ်များအချိန်နှင့်တပြေးညီပြီးစီးနိုင်ရေးအတွက် သက်ဆိုင်ရာဌာနများ အနေဖြင့် နိုင်ငံ၏အကျိုးစီးပွားဖြစ်ထွန်းရေးကိုရှေးရှု၍ ဥပဒေလုပ်ထုံးလုပ်နည်းများနှင့် အညီညှိနှိုင်းဆောင်ရွက်ပေးကြရမည်ဖြစ်ပါကြောင်း၊ ကျောက်ဖြူစီမံကိန်းသည် တရုတ်ပြည် သူ့သမ္မတနိုင်ငံ၏ One Belt One Road စီမံကိန်းနှင့်ဆက်စပ်နေသည့်အတွက် အချိန်ကိုက်လုပ်ဆောင်ရမည့်အပိုင်းများရှိလာနိုင်ပါကြောင်း။

ထားဝယ်ဇုန်နှင့်ပတ်သက်၍ ( Joint Coordination Committee - JCC ) အစည်းအဝေးရလဒ်များအပေါ်အခြေခံ၍ ( Joint Higher Committee - JHC) အစည်းအဝေးကိုလိုအပ်ပါကညှိနှိုင်းကျင်းပနိုင်ရေးဆောင်ရွက်ကြရမည်ဖြစ်ပါကြောင်း။

ဆောက်လုပ်ရေးဝန်ကြီးဌာနအနေဖြင့် ထားဝယ် - ထီးခီးနှစ်လမ်းသွားကားလမ်း အဆင့်မြှင့်တင်ရေးစီမံကိန်းအတွက်လုပ်ဆောင်ရမည့်လုပ်ငန်းစဉ်များကို Time Frame ချမှတ်ဆောင်ရွက်ရမည်ဖြစ်ပါကြောင်း။

စေ့စပ်ဆွေးနွေးမှုများဆောင်ရွက်ကြရာတွင် မူဝါဒရေးရာအရအဆုံးအဖြတ်ရယူရမည့် ကိစ္စရပ်များရှိပါကဗဟိုအဖွဲ့အစည်းအဝေးကို စောင့်နေရန်မလိုဘဲဗဟိုအဖွဲ့ဥက္ကဋ္ဌထံ အချိန် နှင့်တပြေးညီတင်ပြလာပါက အဆုံးအဖြတ်များရရှိရန် တင်ပြဆောင်ရွက်ပေးသွား မည်ဖြစ်ပါကြောင်း။

အကောင်အထည်ဖော်ဆောင်ရွက်နေသည့် အထူးစီးပွားရေးဇုန်များကို အစိုးရ သက်တမ်းတစ်ခုကာလအတွင်းအတိုင်းအတာတစ်ခုအထိတိုးတက်လာစေပြီး ပြည်သူများ လက်တွေ့အကျိုးခံစားမှုများရရှိစေရေးနှင့်မျှော်လင့်ချက်များရှင်သန်လာစေရေးအတွက်ဝိုင်းဝန်းကြိုးပမ်းဆောင်ရွက်ပေးကြရမည်ဖြစ်ပါကြောင်းပြောကြားပြီး အစည်းအဝေးကို ရုပ်သိမ်း လိုက်သည်။