ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီ လုပ်ငန်းညှိနှိုင်းအစည်းအဝေး ကျင်းပ

Printer-friendly versionSend by email

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီ လုပ်ငန်းညှိနှိုင်းအစည်းအဝေး ကျင်းပ

နေပြည်တော် ဇူလိုင် ၁၀

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီ၏ ၆/၂၀၁၈ လုပ်ငန်းညှိနှိုင်းအစည်းအဝေးကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန အစည်းအဝေးခန်းမ၌ ယနေ့မွန်းလွဲ ၂ နာရီတွင် ကျင်းပခဲ့ရာရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီဥက္ကဋ္ဌ လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးနှင့် ပူးတွဲဥက္ကဋ္ဌဖြစ်သူ ရခိုင်ပြည်နယ်ဝန်ကြီးချုပ်ဦးညီပု၊ ဒုတိယဥက္ကဋ္ဌဖြစ်သူ နိုင်ငံတော်အတိုင်ပင်ခံ ရုံးဝန်ကြီးဌာန ဒုတိယဝန်ကြီးဦးခင်မောင်တင်၊ ကော်မတီအတွင်းရေးမှူးဖြစ်သူ နယ်စပ်ရေးရာဝန်ကြီးဌာန ဒုတိယဝန်ကြီးဗိုလ်ချုပ်သန်းထွဋ်၊ တွဲဖက်အတွင်းရေးမှူးဖြစ်သူ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဦးစိုးအောင်နှင့် ကော်မတီအဖွဲ့ဝင် ဝန်ကြီးဌာနများမှ ကော်မတီဝင်များ တက်ရောက်သည်။

ဝိုင်းဝန်းပူးပေါင်းဆောင်ရွက်

အစည်းအဝေးတွင် ကော်မတီဥက္ကဋ္ဌ ပြည်ထောင်စုဝန်ကြီးက ယနေ့ အစည်းအဝေးသည် ၂၀၁၈ ခုနှစ် အတွင်းခြောက်ကြိမ်မြောက်ကျင်းပခြင်းဖြစ်ပြီး ကော်မတီစတင်ဖွဲ့စည်းချိန်မှဆိုလျှင် ၁၅ ကြိမ်မြောက် ကျင်းပခြင်းဖြစ်ပါကြောင်း၊ ရခိုင်ပြည်နယ်တစ်ခုလုံး လုံခြုံရေး၊ လူမှုစီးပွားဘ၀ဖွံ့ဖြိုးတိုးတက်ရေး၊ ဥပဒေနှင့်အညီ ရသင့်ရထိုက်သောအခွင့်အရေးများရရှိရေး စသည့်အချက်သုံးချက်ကိုအဓိကထား အကောင်အထည်ဖော်ဆောင်ရွက်နေပါကြောင်း၊ ရခိုင်ပြည်နယ်ဆိုင်ရာ အကြံပြုချက် ၈၈ ချက်တွင် အချက် ၈၀ ခန့်ကို အကောင်အထည်ဖော်ဆောင်ရွက်နေပြီဖြစ်ပါကြောင်း၊ ဆောင်ရွက်ရန်ကျန်ရှိသည့် အချက်များကို ဆောင်ရွက်နိုင်ရေးအတွက်လည်း ပြည်နယ်အစိုးရနှင့်တက်ရောက်လာကြသည့် ကော်မတီအဖွဲ့ဝင်များမှဝိုင်းဝန်းဆွေးနွေးကြစေလိုပါကြောင်း၊ အကောင်အထည်ဖော်ဆောင်ရွက်ချက် များကို ထုတ်ပြန်မှုအနေဖြင့် ဒုတိယအကြိမ် ပြည်သူသို့ အစီရင်ခံစာကို နိုင်ငံပိုင်သတင်းစာများ၌ ဇွန် ၂ ရက်တွင် မြန်မာဘာသာဖြင့် လည်းကောင်း၊ ဇွန် ၁၇ ရက်တွင် အင်္ဂလိပ်ဘာသာဖြင့် လည်းကောင်း ထုတ်ပြန်ပေးခဲ့ပြီး ဖြစ်ပါကြောင်း၊ တတိယအကြိမ် ပြည်သူသို့အစီရင်ခံစာထုတ်ပြန်နိုင်ရေးအတွက်လည်းဆောင်ရွက်နေပါကြောင်း၊ အကောင်အထည်ဖော်ဆောင်ရွက်နေသည့် လုပ်ငန်းများကို လည်း မြေပြင်တွင် ပြန်လည်ဆန်းစစ်လျက်ရှိပါကြောင်း၊ လက်တွေ့အခြေအနေပြောင်းလဲမှု အမှန်တကယ် ဖြစ်ပေါ်ရန် လိုအပ်ပါကြောင်း၊ရခိုင်ပြည်နယ်အစိုးရအဖွဲ့ကို ဝိုင်းဝန်းပူးပေါင်းဆောင်ရွက်ပေး သွားမည်ဖြစ်ပါကြောင်း ဆွေးနွေးပြောကြားသည်။

ယင်းနောက် ဆောင်ရွက်ရန်ကျန်ရှိသည့် အကြံပြုချက်များ အကောင်အထည်ဖော်ဆောင်ရွက်နိုင်ရန်အတွက် ကော်မတီဥက္ကဋ္ဌ၊ ပူးတွဲဥက္ကဋ္ဌနှင့်အတူ တက်ရောက်လာကြသည့် ကော်မတီဝင်များက ဝိုင်းဝန်း ဆွေးနွေးအကြံပြုခဲ့ကြသည်။

ပြည်သူ၏အသံနားထောင်

ပူးတွဲကော်မတီဥက္ကဋ္ဌ ရခိုင်ပြည်နယ်ဝန်ကြီးချုပ်ကဆွေးနွေးရာတွင် ပြည်နယ်အစိုးရအနေဖြင့် အကောင်အထည်ဖော်ဆောင်ရွက်နေသည့် လုပ်ငန်းများနှင့် ကျန်ရှိနေသည့်လုပ်ငန်းများကို ပြန်လည် ဆန်းစစ်ပြီး ဆက်လက်ဆောင်ရွက်နိုင်ရေး ကြိုးပမ်းသွားမည်ဖြစ်ပါကြောင်း၊ IDPစခန်းများပိတ်သိမ်းရေးကို စနစ်တကျ ဆောင်ရွက်နိုင်ပါရန်ပူးပေါင်းဆောင်ရွက်သွားမည်ဖြစ်ပါကြောင်း၊ လက်ရှိ တွင် ကျောက်ဖြူမြို့နယ်ရှိ ကျောက်တစ်လုံး IDPစခန်းကိုပိတ်သိမ်းနိုင်ရေးအတွက် စီမံချက်ချမှတ်ပြီး ဆောင်ရွက်နေပါကြောင်း၊ ဒေသတစ်ခုလုံး ဖွံ့ဖြိုးတိုးတက်ရေး လုပ်ငန်းများဆောင်ရွက်ရန် အတွက် ဒေသဖွံ့ဖြိုးရေးစီမံချက်ကို ရေးဆွဲအကောင်အထည်ဖော်ဆောင်ရွက်လျက်ရှိပါကြောင်း၊ NV Card ဆောင်ရွက်မှုသည်လည်း အောင်မြင်မှုများရရှိပါကြောင်း၊ အတူလက်တွဲနေထိုင်ရေးအတွက် သိမ်သိမ် မွေ့မွေ့၊ခက်ခက်ခဲခဲဖြင့်ဆောင်ရွက်နေရပါကြောင်း၊ ကိစ္စတိုင်းအတွက် လုံခြုံတည်ငြိမ်ရေးကို ဦးစား ပေးဆောင်ရွက်နေပါကြောင်း၊ လုပ်ငန်းများဆောင်ရွက်ရာတွင် ဒေသခံမြို့မိမြို့ဖ၊ ရပ်မိရပ်ဖများ နှင့် ဆွေးနွေးညှိနှိုင်းကာ ပြည်သူ၏အသံနားထောင်ပြီး လုပ်ငန်းများဆက်လက်ဆောင်ရွက်သွားမည် ဖြစ်ပါကြောင်း ဆွေးနွေးသည်။

 

ဆက်လက်၍ ကော်မတီဒုတိယဥက္ကဋ္ဌ နိုင်ငံတော်အတိုင်ပင်ခံရုံးဝန်ကြီးဌာန ဒုတိယဝန်ကြီးက ပြန်လည်လက်ခံရေးစခန်းများတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဌာန မှ ဝန်ထမ်းများနှင့်ပြည်ထဲရေးဝန်ကြီးဌာန သတင်းနှင့်မှုခင်းတပ်ဖွဲ့တို့မှဝန်ထမ်းအင်အားများကို တိုးမြှင့်ချထားရေး ဆောင်ရွက်လျက်ရှိပါကြောင်း၊ လှဖိုးခေါင်အဝင်လမ်းဖြစ်သည့်  မောင်တော-ရွှေဇား-ပြင်ဖြူ လမ်းဆုံကတ္တရာခင်းခြင်းကိုလည်း နယ်စပ်ရေးရာဝန်ကြီးဌာနက ဆောင်ရွက်လျက်ရှိပါကြောင်း၊ လှဖိုးခေါင်စခန်းအုပ်ချုပ်ရေးအဖွဲ့ ဖွဲ့စည်းဆောင်ရွက်လျက်ရှိပါကြောင်း ဆွေးနွေးသည်။ ယင်းနောက် ကော်မတီအတွင်းရေးမှူး နယ်စပ်ရေးရာဝန်ကြီးဌာန ဒုတိယဝန်ကြီးက ရခိုင်ပြည်နယ်အတွင်း နယ်စပ်ရေးရာဝန်ကြီးဌာနက ဆောင်ရွက်လျက်ရှိသည့်လုပ်ငန်းများ၊ မြေပုံ IDP စခန်း ပိတ်သိမ်းရေး လုပ်ငန်းများ၊လှဖိုးခေါင်အဝင်လမ်း ဆောင်ရွက်မှုအခြေအနေများကိုဆွေးနွေးသည်။

အချိန်နှင့်တစ်ပြေးညီ

ကော်မတီတွဲဖက်အတွင်းရေးမှူး လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီးက အကြံပြုချက်များအပေါ် ဆောင်ရွက်မှုအခြေအနေများကို အဖွဲ့ဝင်ဝန်ကြီးဌာန များက လစဉ်တင်ပြချက်များအပြင် ထူးခြားချက်များရှိပါက ကော်မတီသို့အချိန်နှင့်တစ်ပြေးညီတင်ပြ စေလိုပါကြောင်း၊ ပြန်လည်လက်ခံရေးစခန်းများတွင် ဝန်ထမ်းအင်အား ဖြည့်တင်းရေးအတွက် ဆောင် ရွက်လျက်ရှိပါကြောင်းနှင့် ပြန်လည်လက်ခံရေး ဆောင်ရွက်မှုကိစ္စရပ်များ၊ ပြန်လည်လက်ခံရေးစခန်းများတွင် တာဝန်ထမ်းဆောင်နေသည့် ဝန်ထမ်းများ၏လိုအပ်ချက်များအား ဖြည့်ဆည်းပေးမှုအခြေအနေ များကိုဆွေးနွေးသည်။

ဆက်လက်ပြီး ကော်မတီဝင်ဝန်ကြီးဌာန အသီးသီး၏တင်ပြဆွေးနွေးချက်များအပေါ် ကော်မတီဥက္ကဋ္ဌ နှင့်ပူးတွဲဥက္ကဋ္ဌတို့က လိုအပ်သည်များ ဖြည့်စွက်ရှင်းလင်းညှိနှိုင်းပေးခဲ့ကြောင်း သတင်းရရှိသည်။