ရေခေါင်းချောင်းကျေးရွာအနီး AA အဖွဲ့က တပ်မတော်လုံခြုံရေးစစ်ကြောင်းအား စောင့်ကြိုတိုက်ခိုက်

Printer-friendly versionSend by email

ရေခေါင်းချောင်းကျေးရွာအနီး AA အဖွဲ့က တပ်မတော်လုံခြုံရေးစစ်ကြောင်းအား စောင့်ကြိုတိုက်ခိုက်

နေပြည်တော် မတ် ၂၃

ရခိုင်ပြည်နယ် ရသေ့တောင်မြို့နယ် စေတောင်ကျေးရွာအနီး လုံခြုံရေးဆောင်ရွက်နေသည့် တပ်မတော်စစ်ကြောင်းအား မတ် ၂၂ ရက် နံနက်တွင် AA အဖွဲ့က လက်နက်ကြီး/လက်နက်ငယ်များဖြင့် ပစ်ခတ်တိုက်ခိုက်ခဲ့ရာ တပ်မတော်မှ စစ်သည်အချို့ကျဆုံးဒဏ်ရာရရှိပြီး AA အဖွဲ့မှ အလောင်း ၃ လောင်း ရရှိခဲ့ကြောင်း သိရသည်။

မတ် ၂၂ ရက် နံနက် ၆ နာရီခွဲခန့်တွင် AA အဖွဲ့မှ အင်အား ၃၀ ခန့်က ရေခေါင်းချောင်းကျေးရွာ၏ အရှေ့တောင်ဘက် မီတာ ၄၀၀ ခန့်အကွာမှ လက်နက်ကြီး/လက်နက်ငယ်များဖြင့်လည်းကောင်း၊ ညနေ ၄ နာရီခွဲခန့်တွင် အင်အား ၅၀ ခန့်က ရေခေါင်းချောင်းကျေးရွာ၏ အရှေ့တောင်ဘက် မီတာ ၈၀၀ခန့်အကွာမှ လက်နက်ကြီး/လက်နက်ငယ်များဖြင့် လည်းကောင်း တပ်မတော်စစ်ကြောင်းများအား စောင့်ကြိုတိုက်ခိုက်ခဲ့သဖြင့် တပ်မတော်ဘက်မှ ပြန်လည်ပစ်ခတ်တိုက်ခိုက်ခဲ့ကြောင်း။

ဖြစ်စဉ်များတွင် မိမိဘက်မှ စစ်သည်အချို့ကျဆုံး/ ထိခိုက်ဒဏ်ရာရရှိခဲ့ကာ AA အဖွဲ့မှ အားကစားဝတ်စုံ အရပ်ဝတ်များဝတ်ဆင်ထားသည့် အလောင်း ၃ လောင်းအား ရေခေါင်းချောင်းကျေးရွာအနီး AA အဖွဲ့ နေရာယူပစ်ခတ်ခဲ့သည့် နေရာတစ်ဝိုက်တွင် တွေ့ရှိခဲ့ပြီး တပ်မတော်စစ်ကြောင်းများက နယ်မြေလုံခြုံရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

AA အဖွဲ့အနေဖြင့် ရပ်ကွက်နှင့် ကျေးရွာများအား အသုံးပြုအကာအကွယ်ရယူလျက် တပ်မတော်လုံခြုံရေးစစ်ကြောင်းများအား မိုင်းထောင်/မိုင်းဆွဲ တိုက်ခိုက်ခြင်း၊ ချောင်းမြောင်းပစ်ခတ်ခြင်းများ ပြုလုပ်လျက်ရှိပြီး လုံခြုံရေးတပ်ဖွဲ့ဝင်များက မလွှဲမရှောင်သာ ပြန်လည်ခုခံရသည့်အခါ ရပ်ကွက်၊ ကျေးရွာများအတွင်း မလိုလားအပ်သော ထိခိုက်ဆုံးရှုံးမှုများ ရှိလာနိုင်သဖြင့် ရခိုင်ပြည်နယ်အတွင်းရှိ မြို့၊ ရပ်ကွက်နှင့်ကျေးရွာများ၌ AA အဖွဲ့အား လက်မခံကြရန်နှင့် မြို့၊ ရပ်ကွက်နှင့် ကျေးရွာများအတွင်း ဝင်ရောက်လာပါကလည်း သက်ဆိုင်ရာအုပ်ချုပ်ရေးအဖွဲ့အစည်းများနှင့် လုံခြုံရေးအဖွဲ့အစည်း များသို့ သတင်းပေးပို့ကြပါရန် မေတ္တာရပ်ခံထားကြောင်း တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။